قصه مرعبه

[hectormousa]

بسم الله الرحمن الرحيم

((( وما خلقت الجن والانس الا ليعبدون ))) صدق الله العظيم

ذكر الله سبحانه وتعالى فى كتابه الكريم انه قد خلق الجن والانس كى يعبدوه سبحانه وهذه الايه هى خير دليل على اننا مش لوحدنا فى الكون ففيه الجن الذين يسكنون الارض مثلنا وفيهم المسلم والمسيحى والملحد الخ بل ان الجن قد وجدوا فى الارض قبل وجودنا بفتره كبيره ودى قصه تانيه مش هطول عليكم بيها .
والجن مخلوق من النار واحنا مانقدرش نشوفو وهوا يقدر يشوفنا وكل من الانس والجن يعش فى عالمه الخاص بعيد عن التانى بل فى ناس ماتعرفش بوجود الجن بل بتنكر وجوده لكن ... فى بعض الحالات اللى بيختلط فيها الانس والجن وطبعا دى حالات ربنا ماوريهالكم ولا لاى حد نعرفوا وهى
1 - المس ودى ليها اسباب كتير بس مش وقتها زى ماقولت فى الاول علشان ماطولش عليكم
2 - السحر ودى بسرعه كده ان شخص يروح لساحر من الانس ويخليه يسخر جان لعمل سحر لشخص اخر زى منعوا من الجواز او يخليه يحب شخص معين .... وفى حالات تانى بس انا مش عايز اطول عليكم

والمقدمه القصيره دى تمهيد لقصه واقعيه مرت بيها فتاه فى سن الزهور وانا كنت موجود فى جزء من القصه دى فحبيت احكيلكم القصه واعرف رأيكم فيها ولو كنت مكانو كان موقفكم هيكون ايه ....


القصه بدأت الساعه 3 بعد نص الليل لما جه تليفون فى الوقت الغريب ده وكانت المتصله سيده تسكن فى الشارع جنبنا وردت والدتى على التليفون بعد ماصحيت من النوم على صوت التليفون وصحيت انا كمان واخويا احمد ولما سألت والدتى مين اللى أتصل وعايز ايه قالتلى انها لازم تزل دلوقتى فلبست ونزلت معاها انا واحمد وروحنا على بيت هذه السيده .. خبطنا على الباب وفتحتلنا السيده دى الباب وكانت عنيها مليانه دموع وقالتلنا ادخلوا تعالو بسرعه دخلنا وراها الاوضه ...وجدنا فتاه ملقاه على السرير وكان جسمها متخشب وكانت عنيها بارزه وتنظر بطريقه مرعبه الى سقف الاوضه صدمنا كلنا و عم صمت غريب على المكان........... ولكننا فقنا من الصدمه على صوت جهور مخيف يخر من الفتاه موجها كلامه الينا طبعا احنا ماكناش مستوعبين ايه اللى بيحصل لكن لفت نظرى شىء عجيب كان على قدم الفتاه علامه تشبه الصليب وكانت الفتاه مسلمه فمن اين جاءت هذه العلامه لكنى وجدت والدتى تتحدث اليه وقالتلوه انت مين وعايز ايه قالها انا جنى اسمى جرجس وانا ساكن جسد هذه الفتاه فعرفت من اين جأت العلامه وبدأ حديث مطول بين والدتى والجنى وانا كل هذا فى صمت وذهول الغريب ان الجنى اخبر والدتى باشياء عنا وحدثت بعض الامور الغريبه اللتى لا اذكرها جميعها
واكثر هذه الامور التى احببتها عندما طلبت والدتى من الجنى ان يترك جسد الفتاه لبضع دقائق فوافق الجنى فى هذه الاثناء اتى اخو الفتاه بكوب من الماء وكان قد قرأ على الكوب أية الكرسى واحنا كلنا اكيد عرفين قوة هذه الايه وفائدتها العظيمه وما ان شربت الفتاه كوب الماء حتى انتابتها حالت هياج شديد وتغير وجهها وصوتها مره اخرى واخذ الجنى فى الصراخ فى اخوا الفتاه قائلا له لقد احرقت وجهى سانتقم منك كان اخو الفتاه لا يزال صغير فى السن فطلع يجرى من الخوف وقام الموجودين بتهدأت الجان وهنا احسست بأد ايه دينا عظيم وان دين الاسلام هو الحق فعلا والا ماكنش تأثير القران على الحن هكذا .

قعدنا كلنا وكان فى حالت صمت رهيب للمره التانيه وهنا حصل موقف ماكنش وقتوا خالص....... عارفين ايه اللى حصل ...... النور قطع عن المنطقه كلها وهنا احس الموجدين ومنهم انا طبعا ببعض الخوف فبدأت بقرأة ايه الكرسى بصوت عالى خوفا من ان يقوم هذا الحنى بايذاء احد الموجودين ولما بدأت القراه كانت الفتاه او الجنى فالارتعاش والالم الشديد وبقا بيصرخ بصوت عالى فطلب منى الموجودين ان اكف عن القرأه خوفا من ان يخرج الجن من الفتاه من عينها او اى جزء اخر يكون فيه ضرر بالفتاه فسكت

الحمد لله النور رجع
الجنى يخبرنا ان والدة الفتاه قادمه فى الطريق وقالنا ان هى راكبه ميكروباص وجيه ووالدت الفتاه كانت تسكن فى مكان يسمى كفر حكيم واحنا ساكنين فى العجوزه والفتاه كانت ضيفه على السيده جارتنا .فعلا بعد شويه لاقينا والده الفتاه امامنا وكان موقف غريب سبحان الله

انا كنت مطبق ومانمتش بقالى فتره فروحت صليت الفجر ونمت وصحيت تانى يوم ولم اجد الفتاه وعرفت بعد كده انهما خادوها كفر حكيم علشان يودوها لشيخه هناك بيطلع الجن من الناس الملبوسين
اه فى موقف حصل نسيت احكى عليه لما روحنا انا ووالدتى سيبنا احمد اخويا معاهم ونام جنب السرير بتاع الفتاه وحس احمد بحركه غريبه فصحى ووجد الفتاه او .. تريد الهروب ولما شافتو او .. رجعت مره اخرى وظلوا هكذا لحد مالصبح طلع




مر فتره مش كبيره على الموقف ده وكنا سمعنا ان الفتاه اتعلجت من المس
ولكن بعد فتره كنت داخل البيت الساعه 11-11ز30 كده لاقيت والدتى بتقول ان هى رايحا كفر حكيم و كفر حكيم دى سفر من العجوزه والوقت كان متأخر وكان اخواتى مش راضين يروحو مع والدتى و كانو بيقولوها خليها الصبح انا قولتلها لو عايزه تروحى دلوقتى انا هاجى معاكى وماكنتش عارف هانروح ليه بس مش هينفع اسبها لوحدها فى الوقت ده وروحنا وفى الطريق بقولها ايه اللى حصل ليه احنا رايحين قالتلى ان الفتاه ركبها جن تانى ...........
وصلنا منزل الفتاه والصراحه الطريق نفسو للكفر دا مخيف اكنك فى فيلم رعب المهم دخلنا بيت الفتاه ووجدنها بتضرب فى الموجودين وكان فى شيخ واخوها بيحولو يمسكوها وبعد فتره من الشد والجذب هدأت الفتاه واقعدت على الارض فى نص الاوضه بالظبط

ملاحظه : الفتاه ماشفتنيش كل ده كنت واقف فى ضهرها كل دا

المهم وهى قعدا على الارض وكنت انا واقف وراها مره واحد لاقيتها بتلف وبتبوصلى بطريقه مرعبه وقالت بصوت غريب ... ميييييين دده ايه اللى جابو هنا و ابن ميييييين

بينى وبينكم انا كان رد فعلى غريب كنت عايز اضحك وفى نفس الوقت كنت خايف

اه كفايه كده انا مش عايز افتكر اكتر من كده بس عايزكم تعرفوا ان البنت ده دلوقتى كويسه جدا وشغاله وعيش حيا طبيعيه اما انا فمن ساعتها فالكوابيس باقت عادى زيها زى الحلم


فى الاخر احب اقولكم ان الانسان الموءمن بربه والمتمسك بدينه والحافظ للقران مايقدرش ولا حتى مملكة الجن كلها ان هى تضره بحاجه
والسلام عليكم وارجو انا تكون القصه عجبتكم shiny

[osama]

ايه ياعم الرعب ده :crazy: موضوع جميييل :harhar:

[! NoDi !]

موقف غريب جدا يا موسى ويا ريت ميكنش الجني ماشي وراك
خد بالك بقا بليل وانت طالع على السلم المضلم ^^

[totos_acmilan]

el qurane & el aslam howa el monkz ya mousa rabana meak to sleep
& iwill read sorat el korsi every day

[Hunter]

ههههههههههه
معلش علي الضحك يا موسي
بس الجني ده ايه
جني ابن جني
شافك من افاه
الحمد لله ان الجني ده مجراش وراك
ولا سلط عليك واحد من صحابه
و الجن موجود و متداخل معانا في بعض الاوقات
بتوصل سعات لدرجه الجواز مبين الأنس و الجن

[Illiadin]

really no comment
ya shabab ana 3andy bas naseha lee kol wahed b5soos el quran ana b3melha ba3d kol seala eqr2 safheteen quran
we dayman lama te5aaf hathes 2enak mesh 5ayf lama t3mel keda ana 3alatool basm3 2swaat 7`reba we hagat mor3ba bas ana b3mel kol haga halaal 3alshaan keda rabena bysabetny we maba5fsh we daymn 22ool le nafsy kol el 3ayzoh rabena hayhsal el darar we el naf3 fee 2eed rabena we shokran

[BadBoy]

mwdo3 7lw awy we f3ln lazem n2am bewgod al gan fe kol mkan

[madaeisa]

و كماان جايب لنا الجني هنا في المنتدى

[osama]

اوعى يكون جان محارب عشان مش ناقصين تقتيل :harhar:

[hectormousa]

هوا الموضوع حقيقى وحصل ماعيا بجد وفى حاجات تانى بس انا مش عايز ارعبكم ;)

[videt]

فعلا الجن كانو قبل الانسان بس فين انا معرفش العلم عند الله وحده

بس ابليس كان اخر واحد من الجن امن بــ الله لذا اكرمه الله ورفعه لسماء وبعدين سارت قصت ابونا ادم^^

وعلى فكره ابليس كان احد الانبيا في احد القصص قبل رفعه الي اسماء طبعا ^^

اذا انا اخطيت في شي خبروني لاني مش فاكر قصت الجن كامله

ودي الفتاه ركبها جنين ورا بعض بس انت مقلتناش هي ملبوسه ولا مسلط عليها الجن ولا ايه ؟
^^
وعيز اخبركم موقف جميل وكان خطير وانا مكنت مخد بالي^^ منه والله سلمني منه

القصه بدت يوم كنت مع بعض اصحبي في العيد^^ بعد رمضان
اقترح احد اصحبي ان نقضي العيد في عمان تعرفون مهرجان مسقط 2006 اكيد عرفينه كنا متجهين عمان

وصلنا منطقت صحم^^ وهي القصه تبدا هنا على فكره

خشيت بيت صحبي كان قدامي يمشي بس لحظه ان مشيته كانت سريعه بشكل ملحوظ
كان فيه شيبه وعجوز قاعدين في طرف الحوش انا داخل على ناس غريبه قلة السلام عليكم ^^ تتوقع ارد كان ايه ؟

ارد كان اصمت اشديد حتى يوسف ما رد على اسرع في المشي^^ ودخلنا الغرفه وجلسنا وشربنا العصير وقالي مره تانيه متسلمش

تفاجئت وقلة ليه ؟

قالي اصل الشيبه الي قاعد قدامك ساحر^^ يعني مجكا^^

ردت فعلي كانت بصموت طبعا معرفتش ارد عليه بس قلة له وليه متخلوه يسلم وانا عرف ان يوسف انسان متدين ^^ وكل يوم يروح المسجد والله شهد عليه وانا كمان
قالي تشوف الود الصغير الي تلعب معه في الامارات قلة اه عرفه اموت فيه الود اصغير اسمه ايمين
قالي ايمين فيه جني ومين الي مدخل الجني قلة مين قال الشيبه دا الي سلمة عليه استغربت !! قلة له ليه متطلعوش الجني منه مردش علي قال الشيبه مش رادي عايز فلوس

الشيبه جد يوسف^^

عمان معروفه بمناطقها الي فيها سحره كثير ^^ وبعد كدا رجعة الامارات تاني بعد مرور 3 ايام ومش حرجع اعمان تاني

ودي قصه مش مرعبه بس خد العبره متسلمش على شيبه^^

[hectormousa]

بص يا اخى العزيز الفتاه اولا كانت ملبوسه وكان الجان بيقول عكس ده كان يقول ان عمتها هى اللى مسلاطاه عليها والسبب باين انو عايز يعمل فرقه بينهم دى حاجه


الجن كانو موجودين قابلنا وكانوا مفسدين فى الارض وكانوا بيموتو فى بعض وعملوا حاجات تانى كتير وده اغضب المولى سبحانه وتعالى منهم ... وارسل الله سبحانه وتعالى جيش من ملائكة الجن وكان قائد هذا الجيش هو ابليس قبل انا يلعن ويخرج من رحمة الله سبحانه وتعالى وراح هذا الجيش يقتل ويشتت فى الجن وهرب بعض الجن الى الكهوف والبحار واعالى الجبال علشان كده دى اكتر اماكن نلاقيهم فيها خلو بالكم بقه المهم ..
ابليس اغتر بنفسه بعد الاحداث دى .. وعندما اخبر الله سبحانه وتعالى الملائكه بخلقه لادم وانهو سيكون خليفته فى الارض قالوا له سبحانه وتعالى لقد كان الجن مفسدين وارسلتنا لقتلهم من اجل هذا وده تفسير الايه الكريمه (( قالو اتجعل فيها من يفسد فيها ويفسك الدماء ونحن نسبح بحمدك ونقدس لك ))

المهم امر الله سبحانه وتعالى الملائكه ان تسجد لادم ويقول ابو كثير فى تفسيره ان الامر ده كان لملائكة الجن فقط والله اعلم وكان ابليس ماليه الغرور فرفض السجود لادم وكان رفضو ليس معصيه فقط بل كان رفضه رد الامر على الله سبحانه وتعالى علشان كده هو خرج من رحمة الله

والله اعلم

والكلام ده من كتاب تفسير ابن كثير للقران الكريم

[king_game]

يابنى هيا ناقصة رعب كفاية مشاكل الحياة انتا كدة مش هتخلى حد ينام

[hectormousa]

طيب يعنى ينفع اترعب لوحدى

[Hunter]

احنا نعمل حمله
لو شفنا اي elf او اي dark elf
نموتهم
علشان منسبش جني في اللعب:D:D:D