سوق إنتقالات اللاعبين 2014

[* T.N.T *]

وش هو الانتقال الحر؟

فيه انتقالات غير حرة؟

وش معناتها اصلا@@

شوف ياسيدى هقولك كل أنواع الإنتقالات عشان تبقى المعلومة والصورة كاملة معاك ...


الإنتقالات 4 أنواع : النوع الأول الإنتقال على سبيل الإعارة ، النوع الثانى الإنتقال المدفوع ، النوع الثالث الإنتقال بكسر الشرط الجزائى ، النوع الرابع الإنتقال الحر



(1) الإنتقال على سبيل الإعارة : وده ببساطة إن نادى محدود الإمكانيات المادية مابيقدرش يشترى لاعيبه ... فبيستعيرهم من أندية تانية

ومدة الإعارة دى إما بتكون 6 شهور أو موسم كامل أو موسمين وفى أوقات قليلة بتكون 3 مواسم ... وأثناء فترة الإعارة بيكون النادى المستعير هو اللى بيدفع مرتب اللاعب

لحد لما تخلص مدة الإعارة وبعدين يرجع اللاعب لناديه القديم ... وغالباً بتكون الإعارة للاعبين الشباب صغار السن عشان يكتسبوا خبرة بلعب مباريات كتير فى الفرق

المحدودة الإمكانيات المادية ... وفى بند أو شرط ممكن يتحط فى عقد الإعارة بين الناديين إن ممكن النادى يشترى اللاعب اللى إستعاره نهائياً بعد إنتهاء مدة الإعارة .



(2) الإنتقال المدفوع : وده عبارة عن إن نادى بيشترى من نادى تانى لاعب مهم ولسه فى عقده أكتر من سنة وكل ماعدد السنين اللى فاضلة فى عقد اللاعب تكون

كتير كل ماسعر صفقة الإنتقال يزيد ... مثلاً لاعب فى نادى ريال مدريد فاضل فى عقده 4 سنين ولاعب تانى فاضل فى عقده سنتين والإتنين نفس المستوى تقريباً ونادى

برشلونة عايز يشترى اللاعبين ... اللاعب اللى فاضل فى عقده 4 سنين مع الريال سعره هيكون كبير مثلاً 50 مليون أما اللاعب اللى فاضله سنتين سعره هيكون 25 مليون

زى اللى حصل مع جيمس رودريجز الريال اشتراه بـ 80 مليون عشان كان لسه فاضل فى عقده مع موناكو 4 سنين ده غير إن اللى رفع سعره أوى كده تألقه فى كأس العالم اللى فات .



(3) الإنتقال بكسر الشرط الجزائى : وده عبارة عن إن فى بند فى عقود اللاعبين إسمه الشرط الجزائى وهو إن فى حالة لو اللاعب هيمشى أو يروح نادى تانى ولسه فاضل

فى عقده سنة ومش عايز يجدد ... فالبند ده بيحافظ للنادى على حقه فى إن لو اللاعب هيمشى قبل ماعقده يخلص وأى نادى هيشتريه فلازم يكسر قيمة الشرط الجزائى

فى العقد عشان يعرف يشتريه ... زى اللى حصل بالظبط مع نادى ريال مدريد أشترى تونى كروس بـ 30 مليون بس عشان دى قيمة الشرط الجزائى بتاعه وكان فاضله سنة

واحدة فى عقده مع البايرن ... عشان كده بتلاقى للنجوم الكبيرة زى كريستيانو وميسى ورونى في تعاقداتهم شروط جزائية خيالية تعدى الـ 200 مليون عشان محدش

يقدر يشتريهم قبل ماعقدهم يخلص ... وللأسف بروسيا دورتموند غلطت لما خلت الشرط الجزائى للاعب ماركو ريوس 25 مليون بس ؛ أهو دلوقتى هو مش عايز يجدد

ولازم يوفقوا على أى نادى يدفع الـ 25 مليون عشان يستفيدوا بيهم ... ومايحصلش زى اللى حصل مع ليفاندوفيسكى لما راح البايرن ببلاش ...



(4) الإنتقال الحر : وده عبارة عن نوعين :-

1- النوع الأول : لاعب يكون فاضل فى عقده 6 شهور بس مع النادى ولسه ماجددش عقده ... فيقدر أى نادى تانى يفاوض اللاعب ويتفق معاه على بنود العقد

والمرتب وتكون الصفقة خلصت ومدفعش أى فلوس للنادى عشان يشترى اللاعب ... ويستنى لما الـ 6 شهور يخلصوا وبعدين يروح للنادى الجديد .

2- النوع الثانى : لاعب يكون عقده خلص مع النادى وماجددش فبيكون حر ؛ بدون أى نادى ... ويقدر أى نادى يتفاوض معاه ويجيبه علطول بعد مايتفقوا على بنود العقد والمرتب

ومثال على كده صامويل إيتو نادى تشيلسى ماجددلوش عقده بعد ما خلص ؛ فدلوقتى هو لاعب حر ؛ بيدور على نادى يقدر يدفعله المرتب اللى عايزه ... ولو حصل إتفاق بينهم

تكون الصفقة خلصت ومفيش أى فلوس هتتدفع لتشيلسى ...



بس ياسيدى دى قصة الإنتقالات كلها فى كورة القدم

[ms-ms]

خخخ ماقريتها كلها لكني اخذت فكرة عنها


شكرا

[* T.N.T *]

تم إنتقال المدافع إيليكم مانجالا إلى مانشستر سيتى قادماً من بورتو البرتغالى وتُقدر قيمة الصفقة 32 مليون جنيه أسترلينى.





تم إنتقال حارس المرمى دييجو لوبيز إلى ميلان الإيطالى قادماً من ريال مدريد الإسبانى وتُقدر قيمة الصفقة 12 مليون يورو .





تم إنتقال الظهير الأيسر بابلو أرميرو إلى ميلان الإيطالى قادماً من نابولى الإيطالى وتُقدر قيمة الصفقة 10 مليون يورو .





تم إنتقال المدافع جارى ميدل إلى إنتر الإيطالى قادماً من كارديف سيتى الإنجليزى وتُقدر قيمة الصفقة 10 مليون يورو .





تم إنتقال الظهير الأيسر ألبرتو مورينو إى ليفربول الإنجليزى قادماً من إشبيليه الإسبانى وتُقدر قيمة الصفقة 12 مليون يورو .





تم إنتقال المهاجم راؤول خيمينز إلى اتليتكو مدريد الإسبانى قادماً من كلوب امريكا المكسيكى وتُقدر قيمة الصفقة 10 مليون يورو .





تم تجديد تعاقد ثلاثى مانشستر سيتى المدافع فيسنت كومبانى والمهاجم سيرجو اوجويرو ولاعب الوسط دافيد سيلفا لمدة 5 سنوات حتى 2019.





أول ظهور للاعب فرانك لامبارد بتيشيرت مانشستر سيتى.





أعلن مدافع منتخب بلجيكا وفريق بايرن ميوينخ فان بويتن إعتزال كرة القدم نهائياً .





أعلن ثلاثى منتخب فرنسا المدافع إيرك أبيدال ولاعب الوسط فرانك ريبيرى ولاعب الوسط سمير نصرى الإعتزال الدولى وعدم اللعب للمنتخب الفرنسى مرة أخرى.





تم تعيين مدرب نادى يوفنتوس السابق أنطونيو كونتى مهمة تدريب المنتخب الإيطالى .





تم تعيين مدرب برشلونة السابق جيراردو تاتا مارتينو مهمة تدريب منتخب الأرجنتين.




__________________________________________________ _____________________________________

أخبار سريعة

- دخل اللاعب رحيم إستيرلينج لاعب وسط ليفربول دائرة إهتمامات نادى ريال مدريد الإسبانى.

- دخل كل من نادى باريس سان جيرمان وموناكو وريال مدريد فى مفاوضات لضم حارس تشيلسى بيتر تشيك .

- دخل المدافع ماركوس روخو لاعب سبورتنج لشبونة دائرة إهتمام نادى مانشستر يونايتد لضمه أثناء فترة الإنتقالات الحالية .

- دخل اللاعب أندريه شورله لاعب وسط تشيلسى دائرة إهتمام نادى اتليتكو مدريد الإسبانى .

- دخل حارس المرمى روميرو حارس مرمى سامبيدوريا الإيطالى دائرة إهتمام ليفربول الإنجليزى .

- عادات مفاوضات نادى يوفنتوس الإيطالى لضم لاعب وسط مانشستر يونايتد لويس نانى هذا الصيف .

- دخول نادى الأرسنال فى مفاوضات جادة لضم كل من سامى خضيرا لاعب وسط ريال مدريد وإديسون كافانى مهاجم باريس سان جيرمان .

- صراع مُحتمل لضم مدافع روما الإيطالى مهدى بن عطية بين كل من برشلونة ومانشسر يونايتد وتشيلسى وأرسنال وليفربول لضم اللاعب هذا الصيف .

- قدم نادى مانشستر يونايد عرض رسمى لضم لاعب وسط يوفنتوس أورتورو فيدال مقابل 40 مليون يورو + المهاجم خافيير هيرنانديز .


__________________________________________________ _______________________________

خبر هام جداً

تم الإعلان عن قائمة المرشحين للفوز بجائزة أفضل لاعب فى أوروبا :

1- لاعب ريال مدريد كريستيانو رونالدو

2- لاعب وسط بايرن ميونيخ أرين روبن

3- حارس مرمى بايرن ميونيخ مانويل نوير



مَن تتوقع للفوز بالجائزة ؟! ( سوف يتم الإعلان عن الفائز بالجائزة يوم 28 أغسطس)

يُذكر أن فرانك ريبيرى هو اللاعب السابق الحائز على تلك الجائزة العام الماضى .

[MRkArNk]

يستأهل ولد البرتغاليه الدون ْ~ْ

[* T.N.T *]

يستأهل ولد البرتغاليه الدون ْ~ْ

فعلاً لو بالأرقام يبقى الدون الأوفر حظ للفوز بالجائزة دى :

أرقام كريستيانو :

1- هداف الدورى الإسبانى بـ 31 هدف.

2- حائز على جائزة الحذاء الذهبى مع لويس سواريز برصيد 31 هدف لكل منهم .

3- الفوز بكأس الملك .

4- هداف دورى أبطال أوروبا بـ 17 هدف (رقم قياسى) .

5- الفوز بدورى أبطال أوروبا .

6- الفوز بالسوبر الأوروبى وإحراز هدفى الفوز .

النقطة السلبية الوحيدة هى عدم تحقيق أى إنجاز مع منتخب البرتغال فى كأس العالم اللى فات .

__________________________________________________ _____________________

أرقام مانويل نوير :

1- الفوز بكأس العالم فى البرازيل مع منتخب ألمانيا (نقطة إيجابية قوية جداً) .

2- الفوز بجائزة أفضل حارس فى كأس العالم .

3- الفوز بالدورى الألمانى مع بايرن ميونيخ .

4- الفوز بكأس ألمانيا مع بايرن ميونيخ .

النقطة السلبية الوحيدة هى خسارة السوبر الألمانى من بروسيا دورتموند .

__________________________________________________ _____________________

أرقام أرين روبن :

1- الفوز ببرونزية كأس العالم فى البرازيل والوصول للمركز الثالث .

2- الفوز بالدورى الألمانى مع بايرن ميونيخ .

3- الفوز بكأس ألمانيا مع بايرن ميونيخ .

النقطة السلبية الوحيدة هى خسارة السوبر الألمانى من بروسيا دورتموند .

__________________________________________________ _____________________

الخوف بقى الفيفا يشّغل الإسطوانة المشروخة بتاعة كل سنة ويبعد الجائزة عن الدون زى الثلاث مرات اللى فاتوا ... وفى الآخر يأخدها نوير -_-

المفروض بالأرقام الدون يأخد جائزة أفضل لاعب فى أوروبا ... وإن شاء الله الكرة الذهبية كأفضل لاعب فى العالم للمرة الثانية على التوالى والثالثة فى تاريخه

الموسم اللى فات كان أسطورى للدون

[SAQER//DR]

+1111111111111111111111111
لاهنت على الطرح حبوبي

[* T.N.T *]

فاضل أسبوعين ونافذة الإنتقالات تقفل ... ولسه مفيش جديد غير شوية أخبار :

- أخبار عن إنتقال مدافع سبورتنج لشبونة ماركوس روخو إلى مانشستر يونايتد مقابل 20 مليون يورو + اللاعب لويس نانى .

- أخبار عن إنتقال قريب للمهاجم لافيتزى من باريس سان جيرمان إلى ليفربول أو أرسنال .

- أخبار عن إنتقال لاعب الوسط سامى خضيرا من ريال مدريد إلى الأرسنال .

- أخبار عن إقتراب مدافع روما مهدى بن عطية من الإنتقال إلى بايرن ميونيخ ... وإن كان كلاً من مانشستر يونايتد وتشيلسى يدخلان بقوة فى المفاوضات .

- أخبار عن حسم مانشستر يونايتد لصفقة إنتقال المدافع دانى بليند من نادى أياكس .

- أخبار عن تقديم مانشستر يونايتد عرض بقيمة 125 مليون يورو لشراء لاعب وسط ريال مدريد دى ماريا (80 مليون يورو كثمن شراء + 45 مليون يورو راتب اللاعب 5 سنين) .

- أخبار عن قيام نادى نابولى بعرض لشراء لاعب وسط مانشستر يونايتد مراون فيلاينى .

- أخبار عن تقديم تشيلسى عرض 40 مليون يورو لشراء لاعب وسط سبورتنج لشبونة ويليام كارفاليو مع دخول كل من مانشسر يونايتد وأرسنال فى المفاوضات .

- أخبار عن دخول مانشستر يونايتد فى مفاوضات لضم لاعب وسط برشلونة ألكسندر سونج .

- دخول نادى يوفنتوس فى سباق لمحاولة ضم مهاجم موناكو فالكاو بالرغم من وجود كل من ريال مدريد وأرسنال وليفربول فى السباق لضم اللاعب.

- دخول نادى توتنهام فى مفاوضات لضم المهاجم صامويل إيتو .

__________________________________________________ _______

أكثر الفرق التى أنفقت فى سوق الإنتقالات حتى الآن :

1- برشلونة 153 مليون يورو .

2- ليفربول 131 مليون يورو .

3- ريال مدريد 121 مليون يورو .

4- أتليتكو مدريد 101.5 مليون يورو .

5- تشيلسى 93.5 مليون يورو .

6- أرسنال 77 مليون يورو .

7- مانشستر يونايتد 73.5 مليون يورو .

8- مانشستر سيتى 65.5 مليون يورو .

9- ساوثهامبتون 58 مليون يورو .

10 باريس سان جيرمان 49.5 مليون يورو .

[ms-ms]

انا مافيني خبرة ب اللاعبين الاقوياء والغير اقوياء

بس بسالك


ريال مدريد تطورت من جانب الانتقالات؟

كمان البرازيل . صارت قوية؟







ونادي الفتح السعودي صار قوي بالانتقالات ههههههههههههه

[* T.N.T *]

- تم إنتقال لاعب الوسط أنخيل دى ماريا إلى مانشستر يونايتد الإنجليزى قادماً من ريال مدريد الإسبانى وتُقدر قيمة الصفقة 75 مليون يورو .

*أصبح دى ماريا أغلى لاعب فى الدورى الإنجليزى من حيث الصفقات ويليه فى المركز الثانى لاعب تشيلسى فيرناندو توريس بـ 59 مليون يورو
وفى المركز الثالث لاعب الأرسنال مسعود أوزيل بـ 50 مليون يورو*





- تم إنتقال المدافع ماركوس روخو إلى مانشستر يونايتد الإنجليزى قادماً من سبورتنج لشبونة البرتغالى وتُقدر قيمة الصفقة 16 مليون يورو .





- تم إنتقال المدافع مهدى بن عطية إلى بايرن ميونيخ الألمانى قادماً من روما الإيطالى وتُقدر قيمة الصفقة 26 مليون يورو .

*أصبح المغربى مهدى بن عطية أغلى لاعب عربى ويليه فى المز الثانى المغربى مبارك بو صوفة بـ 6.16 مليون يورو
وفى المركز الثالث المصرى محمد صلاح بـ 6.14 مليون يورو *





تم إنتقال المهاجم ماريو بالوتيلى إلى ليفربول الإنجليزى قادماً من ميلان الإيطالى وتُقدر قيمة الصفقة 24 مليون يورو .





- تم إنتقال المهاجم صامويل إيتو إلى إيفرتون الإنجليزى قادماً من تشيلسى الإنجليزى فى صفقة إنتقال حر .





- تم إنتقال المدافع كونستانتينوس مانولاس إلى روما الإيطالى قادماً من أولمبياكوس اليونانى وتُقدر قيمة الصفقة 13 مليون يورو .





- تم إنتقال الظهير الأيمن دوجلاس بيريرا إلى برشلونة الإسبانى قادماً من ساو باولو البرازيلى وتُقدر قيمة الصفقة 4 مليون يورو .





- تم تجديد عقد مدافع برشلونة خافيير ماسكيرانو إلى عام 2018 .





- أعلن كل من فرانك لامبارد لاعب منتخب إنجلترا ، و تشافى ألونسو لاعب منتخب أسبانيا ، و ميروسلاف كلوزه لاعب منتخب ألمانيا

أعلن اللاعبين الثلاثة الإعتزال الدولى بعدم اللعب للمنتخب مرة اخرى لإعطاء فرصة للشباب .





- أصبح واين رونى مهاجم وقائد نادى مانشستر يونايتد الإنجليزى هو القائد الجديد New Captain لمنتخب إنجلترا بإختيار مدرب المنتخب الإنجليزى روى هودجسون .



__________________________________________________ _____________



أخبار سريعة

- دخل نادى ريال مدريد فى سباق ضم لاعب وسط بروسيا دورتموند ماركو ريوس مع كل من بايرن ميونيخ وبرشلونة ومانشستر يونايتد وليفربول وأرسنال .

- دخول نادى أرسنال فى مفاوضات لضم مهاجم مانشستر يونياتد دانى ويلباك .

- إقتراب نادى مانشستر يونايتد من حسم صفقة لاعب وسط يوفنتوس أورتورو فيدال .

- دخول نادى ميلان الإيطالى فى مفاوضات من نادى تشيلسى الإنجليزى لضم كلاً من المهاجم فيرناندو توريس ولاعب الوسط فان جينكل .

- قدم نادى الأرسنال الإنجليزى عرضاً بقيمة 50 مليون يورو لضم مهاجم باريس سان جيرمان إديسون كافانى .

- دخول نادى ميلان الإيطالى فى مفاوضات لضم مهاجم ليفربول فابيو بورينى .

- دخول نادى مانشستر يونايتد فى مفاوضات لضم لاعب وسط ليفربول جوى ألين .

- دخول نادى إنتر ميلان فى مفاوضات لضم مهاجم باريس سان جيرمان لافيتزى .

- دخول نادى يوفنتوس الإيطالى فى مفاوضات لضم مهاجم الأرسنال لوكاس بودلسكى .

- إشتعال السباق لضم مهاجم نادى موناكو الفرنسى رادميل فالكاو حيث يتواجد فى السباق لضم اللاعب 4 فرق : ريال مدريد ، أرسنال ، ليفربول ، يوفنتوس .

- أخبار عن إقتراب نادى بايرن ميونيخ الألمانى للتعاقد مع لاعب وسط ريال مدريد تشافى الونسوا مقابل من 8 إلى 10 مليون يورو .


__________________________________________________ _______________


خبر هام


- يبدأ غداً حفل إختيار أفضل لاعب فى أوروبا من بين كل من :

1- كريستيانو رونالد لاعب ريال مدريد .

2- أرين روبن لاعب بايرن ميونيخ .

3- مانويل نوير حارس مرمى بايرن ميونيخ .


وأثناء الحفل أيضاً سيتم عمل قرعة دورى أبطال أورويا Champions League للموسم الجديد 2014-2015

صور للفرق المشاركة وترتيب الفرق من حيث التصنيف




__________________________________________________ _______________

انا مافيني خبرة ب اللاعبين الاقوياء والغير اقوياء

بس بسالك


ريال مدريد تطورت من جانب الانتقالات؟

كمان البرازيل . صارت قوية؟




ونادي الفتح السعودي صار قوي بالانتقالات ههههههههههههه

أولاً ريال مدريد عملت 3 صفقات كويسين تونى كروس وجيمس رودريجز وكيلور نافاس

ناقص الريال بس مهاجم يساند كريم بنزيما والمُرجح يكون رادميل فالكاو لو الريال عرفت تجيبه هيكون إضافة رهيبة

أسوء حاجة للريال فى الصفقات هى التفريط فى دى ماريا السبب الرئيسى لتتويج الريال بدورى الأبطال الموسم السابق

وإن كان دى ماريا راح للنادى اللى بشجعه فى اوروبا مانشستر يونايتد ودى حاجة تفرحنى [[fakss]] بس خسارة كبيرة للريال



ثانياً البرازيل منتخب مش فريق ... والمنتخبات ملهاش دعوة بسوق الإنتقالات والكلام ده لإن المنتخبات بتختار لاعبيتها بحسب رؤية المدير الفنى للمنتخب

وبيختار من كل لاعبين البلد نفسها ... مثلاً البرازيل جابت دونجا مدرب ليها بعد ما أقالوا سكولارى صاحب فضيحة الـ 7-1 من ألمانيا

دونجا لما يجيى يختار تشكيل البرازيل بيختارها من كل اللاعبين البرازيلين فى كل أنحاء العالم بحسب جاهزية وأداء كل لاعب

والقوائم دى بتختلف من ماتشات ودية لبطولات دولية وفى الغالب بتكون من 23 أو 25 لاعب وفى المعسكرات بتكون 30 لاعب

فمقدرش أقول البرزيل هترجع تانى لقوتها ولا لأ إلا لما نشوف تفكير وخطط دونجا والناس اللى هيختارهم



ثالثاً نادى الفتح السعودى معرفش عنه حاجه أو بمعنى أصح مش متابع الدورى السعودى ولا أصلاً بتابع أى دورى عربى

[* T.N.T *]

مبروك فوز كريستيانو رونالدو لاعب ريال مدريد بلقب أفضل لاعب فى أوروبا







أسفرت قرعة المجموعات لدورى أبطال أوروبا 2014- 2015 عن مجموعات ومواجهات نارية






المجموعة الأولى: أتليتكو مدريد - يوفنتوس - أوليمبياكوس - مالمو


المجموعة الثانية: ريال مدريد - بازل - ليفربول - رازجراد لودوجوريتس


المجموعة الثالثة: بنفيكا - زينيت - باير ليفركوزن - موناكو


المجموعة الرابعة: أرسنال - بروسيا دورتموند - جالاتا سراي - أندرلخت


المجموعة الخامسة: بايرن ميونيخ - مانشستر سيتي - سسكا موسكو - روما


المجموعة السادسة: برشلونة - باريس سان جيرمان - أياكس - أبويل


المجموعة السابعة: تشيلسي - شالكه - سبورتنج لشبونة - ماريبور


المجموعة الثامنة: بورتو - شاختار دونستك - أتلتيك بلباو - باتي بوريسوف

[* T.N.T *]

إنتهت منذ ساعات قليلة فترة الإنتقالات ... وكانت ساعات قمة الإشتعال وأخرجت صفقات درامية كثيرة

(الصفقات من يوم 28 أغسطس حتى 2 سبتمبر *بدون ترتيب*)


- تم إنتقال لاعب الوسط تشابى ألونسو إلى بايرن ميونيخ الألمانى قادماً من ريال مدريد الإسبانى وتُقدر قيمة الصفقة 10 مليون يورو .





- تم إنتقال المهاجم رادميل فالكاو إلى مانشستر يونايتد الإنجليزى قادماً من موناكو الفرنسى على سبيل الإعارة مع بند إمكانية الشراء النهائى .





- تم إنتقال المدافع دالى بليند إلى مانشستر يونايتد قادماً من أياكس الهولندى وتُقدر قيمة الصفقة 17 مليون يورو .





- تم إنتقال المهاجم خافيير هيرنانديز *تشيشاريتو* إلى ريال مدريد الإسبانى قادماً من مانشستر يونايتد على سبيل الإعارة مع بند إمكانية الشراء النهائى .





- تم إنتقال المهاجم لويك ريمى إلى تشيلسى الإنجليزى قادماً من كوينز بارك رينجرز الإنجليزى وتُقدر قيمة الصفقة 12 مليون يورو .





- تم إنتقال المهاجم دانى ويلبك إلى أرسنال الإنجليزى قادماً من مانشستر يونايتد وتُقدر قيمة الصفقة 20 مليون يورو .





- تم إنتقال المهاجم فرناندو توريس إلى ميلان الإيطالى قادماً من تشيلسى الإنجليزى على سبيل الإعارة مع بند إمكانية الشراء النهائى .





- تم إنتقال لاعب الوسط ماركو فان جينكل إلى ميلان الإيطالى قادماً من تشيلسى الإنجليزى على سبيل الإعارة .





- تم إنتقال لاعب الوسط شينجى كاجاوا إلى بروسيا دورتموند قادماً من مانشستر يونايتد وتُقدر قيمة الصفقة 8 مليون يورو .





- تم إنتقال المهاجم ألفارو نيجريدو إلى فالنسيا الإسبانى قادماً من مانشستر سيتى على سبيل الإعارة مع بند إمكانية الشراء النهائى .





- تم إنتقال المهاجم أسامة السعيدى إلى ستوك سيتى الإنجليزى قادماً من ليفربول الإنجليزى على سبيل الإعارة .





- تم إنتقال المدافع يانجا مبيوا إلى روما الإيطالى قادماً من كوينز بارك رينجرز الإنجليزى على سبيل الإعارة .





- تم إنتقال لاعب الوسط ساندرو إلى كوينز بارك رينجرز الإنجليزى قادماً من توتنهام الإنجليزى وتُقدر قيمة الصفقة 10 مليون يورو .





- تم إنتقال المدافع سيباستيان كواتس إلى سندرلاند الإنجليزى قادماً من ليفربول الإنجليزى على سبيل الإعارة .





- تم إنتقال المدافع جوزيه هوليباس إلى روما الإيطالى قادماً من أولمبياكوس اليونانى وتُقدر قيمة الصفقة مليون يورو فقط .





- تم إنتقال المدافع توبى الديرويرلد إلى ساوثهامبتون الإنجليزى قادماً من أتليتكو مدريد الإسبانى على سبيل الإعارة .





- تم إنتقال المدافع بنجامين سطنبولى إلى توتنهام الإنجليزى قادماً من مونبيليه الفرنسى وتُقدر قيمة الصفقة 4.7 مليون يورو .





- تم إنتقال المهاجم اليسيو كريتشى إلى أتليتكو مدريد الإسبانى قادماً من تورينو الإيطالى وتُقدر قيمة الصفقة 16 مليون يورو .





- تم إنتقال المدافع ميكا ريتشاردز إلى فيورنتينا الإيطالى قادماً من مانشستر سيتى على سبيل الإعارة مع بند إمكانية الشراء النهائى .





- تم إنتقال المهاجم جياكومو بونافينتورا إلى ميلان الإيطالى قادماً من أتالانتا الإيطالى وتُقدر قيمة الصفقة 7 مليون يورو .




___________________________________________

دى كانت أهم صفقات الساعات الأخيرة ... طبعاً فى صفقات كتير جداً تمت فى الأيام الأخيرة وخصوصاً فى الساعات الأخيرة بس أنا قولت الصفقات للأندية المشهورة فقط

لإن تقريباً باقى الصفقات لو قولتها محدش هيديها أى إهتمام لأنها لأندية متوسطة أو تحت المتوسطة كمان وتقريباً ملهاش مشجعين عرب

على العموم صفقات الساعات الاخيرة كانت درامية بشكل كبير خصوصاً صفقة فالكاو كان بيتخانق عليه 5 أندية من شهر وجه المانيو خطفه فى 24 ساعة بس

لو تمت صفقات جديدة للاعبين من نفس البلد أو اللاعبين بدون أندية * زى فيكتور فالديز مثلاً* هبقى أحطها

- لإن كده رسمى خلاص سوق الإنتقالات بين الدول قفل وغير مسموح بإنتقال البطاقة الدولية للاعب من دولة لدولة أخرى-

- بس متاح إنتقال لاعبين من نفس البلد مثلاً من نادى إنجليزى لنادى إنجليزى زيه ، بالإضافة للاعبين الأحرار بدون عقود اللى ملهمش نادى -

[MRkArNk]

رآح دي ماريا وراح الونسو > الريال كان يفوز ويخسر بوجودهم

لآكن انشولتي يرفض فالكاو !! بسبب المش كويس بنزيما ! ههه

الريال هسسنه ولأ بطوله بسبت الاداره زرعت فكرة العاشره وخلآص !

نرجو من انشولتي محاربة هذا المرض باسرع وقت لن بسبب مشاكل كثير ..

اما باقي الصفقات نآريه خاصه الونايتد هلموسم بسوي شي رائع لاكن بدون بطوله ننتظره في الموسم القادمه بأذن الله

اما البارين ميونخ صفقاته ناريه لاكن وقع في دائره التي وقع فيها ريال مدريد ( تجميع النجوم بلا فائده ) لاكن يبقى مرعب لدى الاندية

ميلان اضاف لمسات جميله بصفقات كويسه

اتلتيكو مدريد فريق العبااقره يصنعون من الصغار كبار ( مهاجمين سوبر ستار ) ! وهو يمشي على طريق بورسيا دورتموند

وشكرا !
حبيت اضيف تعليقات في الموضع الجميل ..

[* T.N.T *]

- تم إنتقال لاعب الوسط توم كليفيرلى إلى أستون فيلا الإنجليزى قادماً من مانشستر يونايتد على سبيل الإعارة .





- تم إنتقال لاعب الوسط حاتم بن عرفة إلى هال سيتى الإنجليزى قادماً من نيوكاسل الإنجليزى على سبيل الإعارة .





- تم تجديد تعاقد الظهير الأيمن لنادى تشيلسى اللاعب سيزار أزبيليكويتا لمدة 5 سنوات .





- أصبح لاعب وسط بايرن ميونيخ باستيان شفاينشتايجر القائد الجديد لمنتخب ألمانيا خلفاً لفيليب لام ظهير بايرن ميونيخ الذى أعلن الإعتزال الدولى
، أختير باستيان كقائد بناءاً على رأى مدرب الماكينات الألمانية يواخيم لوف .






- الصورة الرسمية لمهاجم الأرسنال الجديد دانى ويلبك الوافد من مانشستر يونايتد .





- صورة التيشيرت الجديد للنمر الكولومبى رادميل فالكاو المهاجم الجديد لمانشستر يزنايتد برقم 9 .





- صورة تيشيرت الوافد الجديد لمانشستر يونايتد المدافع دالى بليند برقم 17 .

رآح دي ماريا وراح الونسو > الريال كان يفوز ويخسر بوجودهم

لآكن انشولتي يرفض فالكاو !! بسبب المش كويس بنزيما ! ههه

الريال هسسنه ولأ بطوله بسبت الاداره زرعت فكرة العاشره وخلآص !

نرجو من انشولتي محاربة هذا المرض باسرع وقت لن بسبب مشاكل كثير ..

اما باقي الصفقات نآريه خاصه الونايتد هلموسم بسوي شي رائع لاكن بدون بطوله ننتظره في الموسم القادمه بأذن الله

اما البارين ميونخ صفقاته ناريه لاكن وقع في دائره التي وقع فيها ريال مدريد ( تجميع النجوم بلا فائده ) لاكن يبقى مرعب لدى الاندية

ميلان اضاف لمسات جميله بصفقات كويسه

اتلتيكو مدريد فريق العبااقره يصنعون من الصغار كبار ( مهاجمين سوبر ستار ) ! وهو يمشي على طريق بورسيا دورتموند

وشكرا !
حبيت اضيف تعليقات في الموضع الجميل ..

الريال غلط غلطتين كبار جداً الأولى بالتفريط فى دى ماريا وألونسو لإن الأتنين ملهمش بديل عند الريال حتى الوافدين الجدد مش بيلعبوا فى نفس المراكز

عندك تشابى ألونسو كان لاعب وسط مدافع وبيغطى ورا المدافعين ومايسترو فى التمريرات الأمامية ، أما دى ماريا كان لاعب وسط إرتكاز بيدافع بكفاءة

وبيهاجم بإختراقات ممتازة ... على العكس بقى تونى كروس بيلعب إرتكاز بس مابيدافعش غير قليل لإنه كان متعود فى البايرن بيكون فى وراه لاعب وسط مدافع

بيديله حرية فى الهجوم المفروض كان اللى يقوم بالدور ده تشابى ألونسو معرفش مشى ليه وهو ملوش بديل ... أما بقى جيمس رودريجز أصلاً مركزه ملوش مكان

فى خطة الريال لإنه بيلعب ورا المهاجم والريال بيلعب دائماً قدام بالثلاثى كريستيانو وبيل وبنزيما ومفيش حد بيبقى وراهم الباقى بيكون ثلاثى خط وسط منهم واحد وسط مدافع

مش عارف كان إيه لازمة بيع دى ماريا ومكانه جيمس على الأقل كانوا باعوا دى ماريا وسابوا تشابى ألونسو إنما كده بقى فى خلل كبير أوى فى وسط الملعب

وده وضح فى آخر مباراة مع ريال سويسيداد أخطاء دفاعية رهيبة ومفيش تغطية وتمركز خاطىء ... والمفروض المباراة كانت محسومة من أول ربع ساعة بعد التقدم 2-0

بالأخطاء الرهيبة دى تخلص 4-2 بأنهى منطق فريق كبير زى الريال يخسر بعد التقدم 2-0 !!! ... لازم أنشيلوتى يشوف حل ويعمل هيكلة جديدة ويدرب جيمس وكروس

على مراكز وواجبات دفاعية جديدة عشان يعرف يرجع توازن الريال تانى ... وطبعاً الغلطة التانية التفريط فى فالكاو وتجيب مكانه تشيشاريتو ...

ده فالكاو لوحده بأتنين من بنزيما وتشيشاريتو مع بعض ...

__________________________________________________ _________________

المانيو فريقى المفضل عمل صفقات حلوة بس كان نفسى يكون معانا فيدال وهوملز كانوا هيفرقوا أوى ... المهم المانيو إن شاء الله يكون فيه تحسن للنتائج

كفاية كوارث الدورى هزيمة وتعادلين !! وفضيحة الخسارة فى كأس الرابطة 4-0 من فريق درجة تانية ... الواحد ساعتها كان هيكسر التلفزيون من العك اللى شافه -_-

فى ناس عملت خطة كده للمانيو بالصفقات الجديدة



هى كويسة وحلوة مقولناش حاجة بس دى مش فلسفة ولا خطة فان جال اللى شافه مع هولندا فى كأس العالم وشاف حتى مباريات المانيو اللى فاتت

فان جال بيلعب بخطة 3-5-2 مش بخطة 4-4-2 ... أتمنى يشوف حل بقى ويعمل توليفة حلوة كده عشان المانيو يرجع تانى مش هنستحمل موسم تانى زى موسم مويس اللى فات -_-

__________________________________________________ _________________

البايرن طبعاً فريق عملاق بس فى إنتقادات كبيرة لجوارديولا بإنه بدأ يحول البايرن لأسبانيا 2 ... ضم 5 لاعبيين أسبان وده أغضب الجماهير وبعض أعضاء الإدارة عشان البايرن

طول عمره بتكون غالبية ونسبة اللاعبين فيه ألمان ... بالتوفيق ليهم

__________________________________________________ _________________

ميلان بيعيش نفس قصة المانيو وكمان أسوء نتمنى يعود منافس قوى للكالتشيو مع المدرب الجديد إنزاجى عمل بداية كويسة بالفوز 3-1 على لاتسيو أول مباراة

بس برضو كان محتاج تدعيم أكتر ... السبب فى كده المشاكل المالية الكتير للنادى

__________________________________________________ _________________

أتليتكو مدريد وبروسيا دورتموند هما دلوقتى مصنع النجوم ومعاهم 2 مدربين من العباقرة دييجو سيميونى ويورجن كلوب الاتنين دول يعملوا من الفسيخ شربات

بأقل الإمكانيات عملوا فرقتين منافسيين وشرسيين محلياً فى الدورى الأسبانى والألمانى وحتى بقوا خصوم مرعبين فى دورى الأبطال

وتسلم على الرد والإهتمام بالموضوع الناس اللى ليها فى الكورة بتبقى ليها معّزة خاصة عندى :D

[* T.N.T *]

بما إن تقريباً مفيش إنتقالات هتم تانى ... عايز أعرف رأى الناس فى أحسن 10 صفقات من وجهة نظرهم وإن أمكن يقولوا السبب:

هبدأ بنفسى - الترتيب من وجهة نظرى ولو فى ملاحظة قولوها ونناقشها ، وعادى جداً الترتيب ميعجبش ناس ويغيروه أو يضيفوا صفقات جديدة كل واحد ليه رأيه- :

1- رادميل فالكاو -> مانشستر يونايتد (هداف من طراز عالمى هيقلب هجوم المانيو).

2- أنخيل دى ماريا -> مانشستر يونايتد (جوكر جديد للمانيو يلعب جناح مهاجم ، خط وسط مهاجم ، محور إرتكاز) .

3- ديجو كوستا-> تشيلسى (هداف لاغنى عنه وعالج 80% من مشاكل تشيلسى وهى قلة تسجيل المهاجمين زى توريس وديمبابا) .

4- سيسك فابريجاس-> تشيلسى (يكفى إنه الوحيد صانع اللعب فى تشيلسى فى خط الوسط ، ظهرت قوته ومهارته لما لعب خط وسط وعمل 3 أسيست أول مباراتين) .

5- مهدى بن عطية-> بايرن ميونيخ (هينهى نقطة ضعف البايرن الوحيدة السنين اللى فاتت وهى الدفاع السيىء بوجود دانتى وبواتنج) .

6- تونى كروس-> ريال مدريد (مايسترو وجوكر فى وسط الملعب يقدر يقلب المباراة بلمسة واحدة ويقدر يلعب خط وسط مهاجم أو محور إرتكاز) .

7- لويس سواريز-> برشلونة (هداف من طراز عالمى وهيعالج نقطة ضعف برشلونة فى عدم وجود مهاجم ينهى الكرات العرضية) .

8- جيمس رودريجز-> ريال مدريد(يكفى مستواه فى كأس العالم ، ولو تأقلم مع تشيكلة الريال هيبقى أحسن من مسعود أوزيل فى مجده) .

9- إيفان راكيتيتش-> برشلونة (مش عايز أقول تشافى جديد ، بس هو تقريباً أسلوبه قريب منه وهيفرق مع إنيستا جامد فى وسط ملعب برشلونة) .

10- تشابى ألونسو-> بايرن ميونيخ (طبعاً كان موجود مكانه خافى مارتينيز وتياجو ألكانتارا ، ولكن مارتينيز مابيعرفش يصنع فرص لقدام ، وألكانتارا بيدافع قليل وخبرته قليلة

، أما بقى تشابى ألونسو خبرة رهيبة ، صانع لعب بلمسات سحرية قاتلة ، بيغطى كوراث للدفاع دائماً)

*ممكن برضو أضيف صفقة أليكسيس سانشيز -> أرسنال (إضافة قوية ولكن محتاج جنبه مهاجم يسنده وصانع لعب وراه ، صانع اللعب متوفر أوزيل ، ويلشر ، رامسى

ولكن مفيش مهاجم تقيل فى الأرسنال يقدر يسند مع سانشيز )

______________________________________________

بالمناسبة من كام ساعة كده خلصت مباراة ودية بين ألمانيا بطل كأس العالم اللى فات مع الأرجنتين الوصيف

المبارة إنتهت الأرجنتين 4-2 ألمانيا ... كانت حفلة على ألمانيا الصراحة ده وصل الأمر إن جماهير ألمانيا رمت أكياس زبالة على اللاعبيه من سوء الأداء :|

نصيحة حاولوا تشوفوا الملخص والأهداف وركزوا مع دى ماريا بالذات ... غلطة الريال هيندم عليها فترة طويلة إنه فرط فى لاعب زى دى ماريا ._.

بكرة فى مباراتين وديتين بس إيه نااااااااااااااااااااااااااار

فرنسا VS أسبانيا الساعة : 22:00

إيطاليا VS هولندا الساعة : 21:45

[LeGeNd0fHell]

مشكور على المجهود الرائع..

سؤال:لاعب توتنهام Lamela هل انتقل من الفريق؟؟